Festa giro bikaina Artikutzan, San Agustin egunean

Partiden ondoren, jendea bazkaltzera joan zen eta bakoitzak ahal zuen moduan egin zuen jatordua. Gehienek, etxetik eramandako mahaietan bazkaldu zuten. Euriaren beldur zirenek, berriz, elizako aterpearen babesean bazkaldu zuten.

Bertsolariak eta erromeria

Arratsalde partean ere izan zen zer ikusi eta zer gozatu Artikutzan. Jon Martin eta Beñat Gaztelumendiren bertsoak entzutera hamarnaka lagun bildu zen. Bestalde, haurrentzat makina bat goxoki banatu zituzten frontoian, propio botatako koheteetan. Erromeriak ere ez zuen huts egin, Joxe Mendizabalen eskutik.

Gero, herri kirolen garaian jende mordoxka bildu zen frontoiaren inguruan. Aizkolariek eta harri jaso-tzaileek egindako lanak ikusteko parada izan zuten. Erromeria izan zen 20:00etatik aurrera.

Egun osoan zehar artisauen lanak ikusterik bazegoen Artikutzan eta euskal produktuak salgai zeuden: taloak, gazta, pastelak, ogia. Bertara hurbildu zirenek jan eta edateko aukera izan zuten propio egokitzen diren bi tabernetan.

Hortaz, festa giroan igaro zuten eguna beste behin ere Artikutzara hurbildu zirenek.